lundi 8 juin 2009

Es sus la talvera qu es la libertat


Ò lalalalala.. fa un moment que soi pas venguda aqui... trop de temps sens venir faire un "coucou" a mon blog occitan...

Mas bon pòt se comprene... entre las vacanças, le trabalh, l'amor ( occitan de segur : Avinhon es pus occitan que Lilla ^^ )


Uèi vau vos parlar d'un grop! Le grop de la Talvera. Soi completament fan... perqué? perque es un grop de l'albiges (Còrdas! ) es tipicament occitan, inclassable, traditional ect....


La Talvera foguèt creat a la debuta de las annadas 80 per ajudar a pagar las recèrcas etnomusicologicas de qualques personas que volián sauvar e valorizar la musica tradicionala. Le grop La Talvera demorèt plan temps un grop ont totòm podiá venir jogar, plan estacat al repertòri tradicional. Puèi tre las annadas 90 l'orquèstra se professionalizèt, per prene mai o mens sa forma d'ara.


Ara vau vos escriure la cançon qu'aimi fòrça !


OCCITANIA


se sabiás doça companha
Oc que los pus polits airals
Del mond son ben en Occitània
Quitariás lèu lèu lo teu ostal...

Veja lo país de Mirelha
Bronzina de mila sentors
Aval quand l'amor i te solelha
Segur que ne perdirás los aucons
Lo qu'a pas vist lo pòrt de Marselha
Solide qu'a pas vist res de bon...

A se coneissiás la Corbièira
Redda dins son tramalh de fuòc
E tot al ras lo tombèu de pèiras
Onte Pirena plora son sòrt
Lo qu'a pas vistas las Pirenèias
S'es pas jamai passejat enluòc.

Pus luènh avèm Montanha negra
Perduda dins son fum daurat
Amont quand ressondís la bodega
La Saurimonda dança pels prats
Al pè los ròcs de Lacabareda
La fin del monde tenon anonciat.

E tèrra roja de Gresinha
Farina negra de carbonièr
E per las planas vairan las vinhas
Rimas de fruchas de cançonièr
Lo qu'a pas vist Santa-Cecila
E lo Sidòbre a pas vist res.

Aval es lo portalh de Concas
Per se fretar a santa Fé
E a costat la tèrra chucosa
Ont se cultiva lo saumancés
Lo que coneis pas Aubrac quand trona
Ni l'Estivada de tot fa mesprés.

A se coneissiás la mar granda
De Baiona fins a Bordèus
Entre los pins de la granda lana
Segur i dançariás un rondèu
Pus naut es Blaia que se desbranda
Dempèi la mòrt de Jaufre Rudèu.

Ai Limosin, tèrra Tolosana
Auvèrnha, Niça e Daufinés
Pertot s'ausís la lenga occitana
Jòia paratge e amor cortés
Pertot lusís la flor de milgrana
Dels trobadors sèm los eretièrs.

1 commentaire:

Joan de Peiroton a dit…

Tè, una reviscolada!!!! Òsca !!!! Pecat qu'as pas pogut i penjar un mp3 o un trocet de musica. Aquò rai!!! Torna lèu-lèu, e !!!!